Краіны ЕАЭС будуць скаардынавана прымаць меры па рэгуляванні экспарту - аб гэтым на палях Еўразійскага міжурадавага савета ў Кыргызстане паведаміў першы намміністра замежных спраў Аляксандр Гур'янаў. Сёння пасяджэнне прайшло ў вузкім складзе. Беларусь прадстаўляў прэм'ер Раман Галоўчанка. На парадку дня таксама былі пытанні страхавой падтрымкі ўзаемнага і знешняга гандлю, збліжэння нетарыфных мер і вывазных мытных пошлін.
Заўтра ў Кыргызстане пройдзе міжурадавы савет ЕАЭС у пашыраным складзе. Запланаваны таксама двухбаковыя сустрэчы кіраўнікоў урадаў.