Калі звычайнаму ключыку радуюцца больш, чым залатому, ведае Александра Драгун.
Сёння навасельцы трох дамоў мікрараёна Лошыца-9 разам адзначаюць радасную навіну. Нягледзячы на пахмурнае надвор'е, пад адкрытым небам спевы і танцы. У такой святочнай атмасферы ў самы раз знаёміцца будучым суседзям і заводзіць новых сяброў.
Ключы, якія атрымалі гэтыя навасельцы, больш каштоўныя, чым іх залаты адпаведнік з дзіцячага мультфільма. Дарослыя пакуль не могуць паверыць, што, бадай, самае галоўнае жыллёвае пытанне сёння канчаткова вырашана.
Ключы ад уласных кватэр атрымалі больш за тры сотні сямей - большасць з іх шматдзетныя. Таму разам са здачай жылых будынкаў рыхтуюць таксама і інфраструктуру. Дарэчы, новую гульнявую пляцоўку самыя маленькія жыхары ўжо апрабавалі.
Сёння адзначылі яшчэ адну падзею - свята новага двара. Добраўпарадкаванне ля пад'ездаў будучыя жыхары абяцаюць захаваць. Як і чысціню мясцовых паркаў, што запраектаваны на тэрыторыі дзявятай Лошыцы.
Адметнасць новага мікрараёна - шырокія, зялёныя скверы і дамы, замкнёныя ў кола. Па прыкладзе такіх дзесяціпавярховак пабудуюць яшчэ 11. Таму такія сумесныя наваселлі будуць адзначаць да 2016 года.
