За месяц працы бязвізавага рэжыму Нацыянальны аэрапорт Мінск прыняў амаль 12 тысяч чалавек.
Гэта на траціну больш, чым за аналагічны перыяд мінулага года. Часцей за ўсё нашу краіну наведваюць госці з Германіі, ЗША і Італіі. Нагадаем, указ аб бязвізавым рэжыме падпісаў Аляксандр Лукашэнка 24 ліпеня. Згодна з дакументам, замежныя грамадзяне з дзясяткаў краін могуць знаходзіцца ў Беларусі без візы 30 дзён пры ўмове іх уезду, а далей выезду праз дзяржаўную мяжу ў Нацыянальным аэрапорце Мінск.
Антон Бычкоўскі, афіцыйны прадстаўнік Дзяржаўнага пагранкамітэта Беларусі:
"За месяц працы бязвізавага рэжыму Нацыянальны аэрапорт Мінск прыняў амаль 12 тысяч чалавек. У пяцёрцы краін-лідараў з вялікім адрывам першае месца займаюць грамадзяне Германіі - 1658 чалавек. 2 і 3 месца - грамадзяне ЗША і Італіі. 4 і 5 пазіцыя адпаведна - грамадзяне Вялікабрытаніі і Польшчы. У параўнанні з аналагічным перыядам мінулага года, адзначаецца рост на 35 % бязвізавых гасцей".
Адзначым, што раней у нашай краіне працаваў 5-дзённы бязвізавы рэжым. Акрамя таго, з 2017 года наведванне Гродзенскага і Брэсцкага рэгіёнаў таксама працуе па асаблівых правілах - 10 дзён без адзнакі ў пашпарце.