Калекцыя карцін са старых джынсаў. Навучэнцы аб'яднання па інтарэсах Клецкага цэнтра дзіцячай творчасці далі другое жыццё гэтаму элементу адзення. Джынсы перашылі і размалявалі самі, сюжэты розныя: ад класічных пейзажаў да герояў сучасных мультфільмаў. Акрамя роспісу, дзеці ўпрыгожваюць свае арт-аб'екты паперай, фааміранам, кардонам і пацеркамі. Усяго ў калекцыі 20 джынсавых касцюмаў.
Творчыя работы навучэнцаў цэнтра займаюць прызавыя месцы на раённых і рэспубліканскіх конкурсах. Новую калекцыю "Поры года" з васьмі хэндмэйд-касцюмаў школьнікі рыхтуюцца прадэманстраваць на чарговым творчым спаборніцтве.
