Упершыню ў Беларусі кардыёлагі і артапеды адначасова сумесна прааперыравалі два прыроджаныя парокі ў дзіцяці – парок сэрца і дэфармацыю грудной клеткі. У 13-гадовай пацыенткі з Гомельскай вобласці рэдкі дыягназ - "сіндром Элерса-Данлоса" - так званая гіперэластычнасць скуры. Менавіта гэтая паталогія прывяла да недастатковасці мітральнага клапана сэрца, а таксама ў прамым сэнсе варонкі ў грудзях. Зараз, пасля двух дзён у рэанімацыі, дзяўчынка знаходзіцца ў палаце. Да аперацыі ў дзіцяці былі пастаянныя прыступы, ёй было забаронена выконваць элементарныя фізічныя практыкаванні. Зараз медыкі не выключаюць, што пасля рэабілітацыі дзяўчынка зможа нават бегаць без небяспекі для жыцця.
Віталь Дзядовіч, загадчык аддзялення РНПЦ дзіцячай хірургіі: "Калі мы робім аперацыю на сэрцы і пратэзуем мітральны клапан, мы баімся крывацёкаў. Траўматолагі, калі выпраўляюць дэфармацыю, яны, скажам так, змяняюць касцявыя фрагменты, і крывацёк можа быць. І атрымліваецца рызыка крывацёку і неабходнасць крывацёку. Дзякуючы падрыхтоўцы да такой аперацыі (мы з лета да гэтага рыхтаваліся) ўсё дастаткова нядрэнна прайшло".
Аперацыя прайшла ў сталічным Цэнтры дзіцячай хірургіі. Зараз медыкі працуюць яшчэ і над тым, каб пасля любой аперацыі на сэрцы пазбегнуць арытміі, якая назіраецца практычна ў кожнага пацыента.
