Яшчэ адзін этап амністыі гэтага года - хутка сцены пенітэнцыярных устаноў змогуць пакінуць амаль паўтары тысячы зняволеных. Хоць магчымасць пачаць жыццё зноў ёсць далёка не ва ўсіх тых, хто знаходзіцца ў турме. Больш як тром тысячам асуджаных у такім шанцы было адмоўлена. Акт гуманізму - як яшчэ называюць закон аб амністыі ў Беларусі - прымаюць з перыядычнасцю. У першую чаргу таму, што дадзены акт прадугледжвае і адаптацыю асуджаных. Папараўчыя калоніі даюць зняволеным не толькі працу, але і магчымасць атрымліваць адукацыю. Бо адной з асноўных задач МУС з'яўляецца як раз рэабілітацыя і прафілактыка. У працягу - Карына Пашкова.
Васіль Ануфрыеў у турме знаходзіцца ўжо пяты год. Суд вынес яму пакаранне ў выглядзе 7 гадоў пазбаўлення волі. У папраўчую ўстанову мужчына трапіў за спробу забойства чалавека. Але зараз, прызнаецца, рады, што гэтага не адбылося. У калоніі Васіль адкрыў сябе з цалкам новага боку, шкада, што пры такіх умовах, але ўсё ж… Вось ужо чацвёрты год Васіль займае пасаду старасты ў мясцовым храме.
ПК № 20 у Мазыры была першай установай падобнага роду, дзе пабудавалі царкву. Службы, споведзі і нават шлюбы. Пры гэтым, варта адзначыць, шматлікія абразы, змешчаныя тут, уяўляюць нават гісторыка-культурную каштоўнасць.
Усяго ў Мазырскай калоніі зараз знаходзіцца больш як паўтары тысячы зняволеных. Для ўсіх тэрыторыя за калючым дротам - месца не новае. У ПК №20 трапляюць толькі тыя, хто ўжо мае за спінай судзімасці. І да кожнага з іх трэба знайсці падыход, каб па заканчэнні тэрміну на волю выйшаў сацыяльна адаптаваны чалавек.
Практычна ўсе зняволеныя задзейнічаныя ў вытворчасці. У ПК №20 яна засноўваецца на металаапрацоўцы і дрэваапрацоўцы. Можна працаваць і ў кацельні. За сваю працу кожны атрымлівае зарплату, частка ідзе на ўтрыманне або якія-небудзь выплаты, напрыклад, аліменты. Астатнія грошы можна траціць у мясцовым магазіне. Акрамя таго, ахвочыя, знаходзячыся ў турме, маюць магчымасць асвойваць новыя прафесіі і па заканчэнні навучання атрымліваюць дыплом.
95 гадоў Дэпартамент выканання пакаранняў сочыць за тымі, хто парушыў закон. За доўгія гады задачы ведамства зведалі некаторыя змяненні. Але ў аснове заўсёды ляжала не толькі ізаляваць асуджаных ад грамадства, але і дапамагчы ім усвядоміць свае памылкі, раскаяцца і вярнуцца да нармальнага жыцця.
Жыццё ў турме накладвае адбітак. Хтосьці пераглядае сваё жыццё і пачынае яго зноў, другія ўпэўненыя ў правільнасці свайго шляху. Але часцяком дапамога патрэбная
і адным, і другім. Таму ў калоніі пастаянна працуюць псіхолагі.
У першую чаргу ўсе супрацоўнікі калоніі імкнуцца не пакараць, а дапамагчы, знайсці сілы і пачаць усё з чыстага ліста. І, пакінуўшы гэтыя сцены аднойчы, не вяртацца больш ніколі.
