СААЗ прыпыняе тэсты трох прэпаратаў супраць COVID-19

СААЗ спыніла выпрабаванні трох прэпаратаў, якія меркавалася выкарыстоўваць для лячэння COVID-19. Як паказалі даследаванні, супрацьмалярыйны гідраксіхларахін, а таксама сродак для носьбітаў ВІЧ лапінавір у спалучэнні з рытанавірам  не зніжаюць смяротнасць ад каранавіруса. Прыпыненне датычыцца толькі міжнароднай праграмы Solidarity і не выключае ацэнкі дзейснасці прэпаратаў пры лячэнні пацыентаў дома, а таксама ў якасці прафілактычнага сродку.

Тым часам колькасць людзей у свеце, якія паправіліся ад каранавіруса, дасягнула амаль 6,5 мільёна чалавек  з 11,5 мільёна. Загінуўшых  амаль 535 тысяч. І калі адны краіны здымаюць абмежаванні, другія іх уводзяць. Так, у Казахстан з сённяшняга дня вяртаецца жорсткі каранцін. А ў Вялікабрытаніі праз тры з паловай месяцы лакдаўна адчыняюцца пабы, рэстараны і цырульні, што выклікала небывалы ажыятаж. Людзі  становяцца ў чэргі загадзя, таму некаторыя ўстановы пачалі прымаць наведвальнікаў апоўначы.