Чым прывабліваюць іх беларускія здраўніцы, даведалася Аляксандра Драгун.
Гаючую сілу водалячэння Наталля адчула на сабе. Сядзячая праца адбіваецца на здароўі, таму за правіла ўзяла 2 разы на год прымаць лячэбныя ванны.
Быццам курорт на дзень. У гэтай паліклініцы прапануюць масаж, працэдуры, накіраваныя на карэкцыю фігуры і гразелячэнне. Паслугі платныя, але цэны прымальныя. Выгаду адчулі і замежныя госці, якія прыязджаюць да нас па медыцынскі турызм.
Святлана Глябко, намеснік галоўнага ўрача па медыцынскай частцы паліклінікі г. Мінска: У ліпені заключылі дагавор з туркампаніяй, каб прыцягнуць на нашу базу замежных грамадзян, у тым ліку расіян, каб аказваць медыцынскія паслугі. Шмат відаў можам ім прапанаваць, у тым ліку гэта і кансультатыўная праца нашых урачоў, рэабілітацыя і дыягностыка.
Сёння агенцтвы медыцынскага турызму дапамогуць падабраць неабходны кліенту комплекс паслуг. Акрамя гэтага арганізаваць яго прыезд у Беларусь і забяспечыць камфортнае знаходжанне. Як у клініцы, так і па-за бальнічнымі сценамі. Паслуга па арганізацыі абыдзецца ў сярэднім 880 тысяч рублёў.
Міхаіл Нядзвецкі, дырэктар агенцтва медыцынскага турызму: У замежных грамадзян стаматалагічныя паслугі. За 10 - 12 дзён можна зрабіць 2 сківіцы. Сярод іншых кірункаў - афтальмалогія, гэта пратэзаванне суставаў і лячэнне астмы ў саляных шахтах.
Але гэта не значыць, што беларускія пацыенты будуць чакаць, пакуль вылечаць замежных. Чэргі для іх розныя.
Праверанае лячэнне - дарсанвалізацыю - выкарыстоўваюць і сёння ў касметалогіі. Працэдура паляпшае кровазварот, знімае запаленні і стымуюе рост валасоў. Дастаткова 10 сеансаў па 7 хвілін на дзень.
Акрамя медыцынскіх паслуг попытам карыстаюцца і SPA-праграмы ў салонах прыгажосці.
Ёсць таксама індывідуальныя праграмы, якія распрацоўваюць спецыяльна для аднаго кліента.
Юлія Гаркоўская, цырульнік-мадэльер: Прыходзіць да нас кліент - мы папаўняем сыроваткай усе амінакіслоты ў валасах і запячатваем куцікульны пласт ліпіднымі прэпаратамі. Пасля заканчэння 5 праграм валасы цалкам аднаўляюцца.
Да святочнага выхаду кліентам прапануюць акунуцца ... у золата.
Алена Мінко, дырэктар SPА-салона: Спачатку робіцца масаж залатым масажным крэмам. Адчуванне, што ты зорка. Пасля гэтага робіцца скрабаванне таксама залатым скрабам, таксама наносіцца залатое абгортванне. Поўнае адчуванне, што ты зараз ляжыш у золаце.
Летась па здароўе у Беларусь прыехалі амаль 160 тысяч замежных грамадзян. І гэта толькі кліенты дзяржаўных клінік. Калі дабавіць пацыентаў з прыватных цэнтраў, то гэта лічба будзе ў разы большая.
