Праграма насычаная - гэтымі хвілінамі ў горадзе працуюць канцэртныя пляцоўкі, разгарнуліся кірмашы культур.
А як пачынаў горад адзначаць свята, зараз даведаемся ў нашага карэспандэнта Андрэя Ястрабава (прамое ўключэнне).
Паводле традыцыі пачаліся святочныя мерапрыемствы на Буйніцкім полі. Выбрана гэта месца не выпадкова. Менавіта тут у 1941 годзе ішлі разлютаваныя баі.
Тады ўпершыню з пачатку Вялікай Айчыннай вайны супрацьстаяць нямецкай арміі разам з чырвонаармейцамі выйшаў увесь горад. Магілёў не ўдавалася ўзяць ворагам доўгія 23 дні.
Сёння на мемарыяльным комплексе правялі рэканструкцыю падзей ваеных гадоў, калі беларусы, як адзін, усталі на абарону краіны.
Жыхароў Магілёва і гасцей сёння чакаюць ва ўсіх парках горада. Атракцыёны для дзяцей, гастранамічны фестываль "Свята беларускай бульбы" і многае іншае. Арганізатары падрыхтавалі сапраўднае свята. А мы далучаемся да ўсіх віншаванняў з Днём Незалежнасці.
