Захоўваць памяць і паказваць праўду. Сёння яшчэ адна важная дата ў гісторыі Вялікай Айчыннай вайны. 79 гадоў таму цалкам завяршылася фашысцкая блакада Ленінграда. Асада гітлераўскімі войскамі доўжылася амаль 900 дзён. За гэты час нацысцкія захопнікі так і не змаглі ўвайсці ў горад. Людзі працягвалі працаваць на абаронных прадпрыемствах, ваявалі ў дывізіях народнага апалчэння. 27 студзеня 1944 года Ленінград быў вызвалены ад пакутлівага голаду, холаду і бясконцых смерцяў. У кастрычніку мінулага года Санкт-Пецярбургскі гарадскі суд прызнаў блакаду ваенным злачынствам і генацыдам савецкага народа. Сёння і ў Мінску запланаваны мерапрыемствы, на якіх ушануюць памяць загінуўшых і нагадаюць пра подзвіг ленінградцаў.
