У індустрыяльным парку "Вялікі камень" падвялі вынікі конкурсу маладых перакладчыкаў кітайскай мовы. Ён прайшоў ужо трэці раз і сабраў рэкордную колькасць удзельнікаў - больш за 50. Пашырылася і геаграфія - Беларусь, Расія, Украіна і Кітай. Лепшых выбіралі ў дзвюх катэгорыях - студэнты і прафесіяналы. Перамагла Ганна Алюшына, выпускніца Мінскага лінгвістычнага ўніверсітэта.
Ацэньвала ўдзельнікаў прафесійнае журы - вядучыя спецыялісты Беларусі і Расіі ў галіне руска-кітайскага перакладу. Для пераможцаў падрыхтаваны каштоўныя прызы і стажыроўкі ў кампаніях - рэзідэнтах індустрыяльнага парка.