19 студзеня беларускія ратавальнікі адзначылі прафесійнае свята. Ва Уздзе, напрыклад, адбыўся афіцэрскі сход, на якім узнагародзілі лепшых агняборцаў Мінскай вобласці. З нагоды і важныя падарункі для рэгіёна.
Пасля капітальнага рамонту адкрылі цэнтральную гарадскую пажарную частку. У абноўленым падраздзяленні штодня дзяжураць сем чалавек. А ў распараджэнні баявога разліку аўталесвіца і дзве аўтацыстэрны па 10 т вады. Дарэчы, у Дзень ратавальніка службовы аўтапарк Мінскай вобласці папоўніўся маторнымі лодкамі, спецаўтобусамі і аўтамабілямі. Ключы ўручылі работнікам падраздзяленняў МНС Капыля і Беразіно, Смалявічаў, Дзяржынска.
"Толькі за апошнія некалькі гадоў у Мінскай вобласці дзякуючы падтрымцы Мінскага абласнога выканаўчага камітэта з'явілася больш за 70 адзінак аварыйна-выратавальнай тэхнікі. Гэта тэхніка, якая нам дапамагае ліквідаваць надзвычайныя сітуацыі. Вядома ж, у Дзень ратавальніка мы не пакінулі тых людзей незаўважанымі, якія з гонарам, доблесцю выконваюць свае абавязкі, якія верна служаць Радзіме, штодня рызыкуючы сваім жыццём дзеля выратаванні іншых", - расказаў начальнік Мінскага абласнога ўпраўлення МНС Беларусі Сяргей Лапановіч.
"Вогненная служба" Мінскай вобласці сёння - гэта больш за 3 тыс. чалавек. Штодня на дзяжурствы заступаюць мінімум 500 работнікаў. Матэрыяльна-тэхнічную базу для эфектыўнай працы ўсёй сістэмы прадоўжаць развіваць. Так, новае дэпо ўзвядуць у Любані, а ў Радашковічах і Чэрвені правядуць капітальны рамонт.
