Гран-пры Сілічы - знакаміты гарналыжны курорт прыняў адзін з этапаў чэмпіянату Беларусі па Time-Attack. У гэтым кірунку аўтагонак пілота пастаянна падганяе тое, што ён не ведае, на якім месцы ідзе - на трасу выязджаюць па адным. Звілісты маршрут складаўся з больш як двух кіламетраў віражоў. Падрабязнасці ў Яна Пашкевіча.
Тарыф на хуткасны безліміт дзейнічаў у Сілічах - горны курорт змяніўся ў трасу чэмпіянату Беларусі па гонках у фармаце Time-Attack. Больш як тры дзясяткі гоншчыкаў стартавалі нон-стоп - ад такой інтэнсіўнасці нават з'явілася своеасаблівая лыжня.
Пераезд праз беларускія Альпы сёлета гоншчыкі выпрабавалі ўпершыню. Знаёміцца з віражамі трасы прыходзілася ўжо па ходзе заезду.
Аднак ціхамірна заезд выглядае толькі з паветра. Каб прачуць гоначную цэнтрыфугу, змяшчаем аператара ў салон аўто. Турбулентнасць адчуваецца нават праз экран.
Ад перанапружання некаторыя аўто нават атрымліваюць траўмы. У невялікіх перапынках паміж заездамі ў гоншчыкаў некалькі хвілін, каб ізноў прывесці аўто ў форму. Многія ўдзельнікі спецыяльна рыхтавалі свае машыны да перагрузак. У другіх жа з гоначнага апгрэйду - толькі нумар на дзверы.
На фінішную прамую гоншчыкі выйдуць ужо ў сярэдзіне верасня - фінальны этап пройдзе ў Брэсце.
У Сілічах прайшоў адзін з этапаў чэмпіянату Беларусі па Time-Attack
5 августа 2019