Нагадаем, адкарэктаваць заканадаўчыя акты з улікам вопыту ўжывання і сучасных патрабаванняў - даручэнне Прэзідэнта. З гэтай мэтай была створаная міжведамасная экспертная камісія, а самі дакументы вынесеныя на шырокае абмеркаванне. Як паведамілі сёння на пасяджэнні камісіі, у выніку праведзенай працы структура кодэксаў удасканалена, праекты ўзгадняюцца паміж сабою, засталося ўдакладніць некаторыя нюансы, правесці экспертызы, пасля чаго дакументы перададуць Кіраўніку дзяржавы. Эксперты таксама адзначылі: істотна паніжаны карны ўхіл. Гэта датычыцца як мінімум 236 складаў правапарушэнняў, дзе прадугледжваецца мякчэйшая мера адказнасці.
За час грамадскага абмеркавання змяненняў у дакументы адзначалася высокая актыўнасць грамадзян. Ад іх паступіла больш за 2 300 прапаноў. Больш за ўсё – паводле артыкула закона, звязанага з правіламі дарожнага руху.
Праекты Працэсуальна-выканаўчага і Кодэкса аб адміністрацыйных правапарушэннях у высокай ступені гатовасці
27 мая 2020