Больш за 15 тысяч жыхароў беларускай сталіцы сталі ўдзельнікамі дабрачыннай акцыі "Ад усёй душы". Людзей паважанага ўзросту акружылі клопатам і ўвагай прадстаўнікі ўлады і грамадскіх аб'яднанняў, дэпутаты, студэнты, школьнікі. Марафон дабрыні завітаў і да ветэранаў працы, якія ўсё сваё жыццё прысвяцілі медыцыне. У Мінскім клінічным кансультацыйна-дыягнастычным цэнтры канцэртную праграму для старэйшага пакалення падрыхтавалі навучэнцы сталічнага медыцынскага каледжа.
Мінскі дыягнастычны цэнтр з'яўляецца самай вялікай і сучаснай установай амбулаторна-паліклінічнага ўзроўню ў Беларусі. Сёлета ёй спаўняецца 35 гадоў.