У Маскоўскім раёне перарэзалі чырвоную стужку абноўленага міжшкольнага стадыёна для адточвання майстэрства адразу ў некалькіх відах спорту: валейбол, баскетбол, міні-футбол. Але асаблівая іскрынка - прафесійнае поле для футбола са штучным пакрыццём. Стадыён стаў падарункам у Дзень горада не толькі для 67-й і 145-й школ, а для ўсяго раёна.
Для аматараў актыўнага адпачынку каля стадыёна размясцілі трэнажоры і пляцоўку для варкаўта. Выпрабаваць сілу і спрыт тут змогуць і самыя маленькія спартсмены. Новыя аб'екты ў раёне дазваляюць развівацца дзецям у розных кірунках.
Два аналагічныя стадыёны ўжо прапісаліся ў Ленінскім і Кастрычніцкім раёнах. Яшчэ шэсць сучасных спартыўных аб'ектаў з'явяцца ва ўсіх частках сталіцы.
