Імунізацыя насельніцтва працягваецца ў Мінску. Вакцын супраць COVID-19 і грыпу ў медустановах дастаткова. Прафілактыку ў выглядзе прышчэпкі лепш праводзіць з верасня па снежань перад значным уздымам захворвання, які звычайна прыпадае на студзень-люты. Прайсці вакцынацыю можна ў любой паліклініцы. Прапануюцца прэпараты расійскай вытворчасці "Спадарожнік V" і "Спадарожнік Лайт" супраць каронавіруснай інфекцыі, а таксама вакцына для прафілактыкі грыпу. Прэпараты зарэгістраваны і прайшлі кантроль якасці ў выпрабавальных лабараторыях, акрэдытаваных у нашай краіне.
Пасля прышчэпкі магчыма павышэнне тэмпературы цела. Гэтая рэакцыя нармальная, тлумачаць спецыялісты. Тым не менш пасля вакцынацыі рэкамендуецца ўстрымацца ад наведвання лазні, саўны, басейна, абмежаваць цяжкую фізічную нагрузку. Імунітэт фарміруецца на працягу чатырнаццаці дзён.
