Патрэбныя для ўсіх для больш камфортнага жыцця. Сёння да свята 7 Лістапада адкрыты новыя аб’екты сацыяльнай інфраструктуры. Сярод значных - чарговы участак абноўленай аўтадарогі Мінск - Мікашэвічы. Падарункамі для жыхароў сталіцы сталі дзіцячы сад, цэнтр дадатковай адукацыі і новыя квадратныя метры ў доме для шматдзетных сем’яў. Павіншаваць навасельцаў паспела Алена Вітко.
Міркоўскага, 1. Такая прапіска ў гэтага шматкватэрнага дома ў Заводскім раёне. Ключы ад доўгачаканых квадратаў сёння атрымалі больш за 90 шматдзетных сем'яў. Новабудоўлю здалі з унутраным аздабленнем - усё гатова да пераезду.
Сярод шчаслівых навасёлаў сям'я Пінчук. Знаёміцца з утульнай кватэрай яны прыйшлі ў поўным саставе - бацькі і трое дзяцей. Елісей, Паліна і Насця адразу ацанілі прастору для творчасці - інтэр'еры прадумалі на ўсе 100 квадратаў.
Камфортную інфраструктуру для жыхароў уладкавалі і ў двары. Безбар'ернае асяроддзе, парковачныя месцы, ёсць гульнявыя пляцоўкі і зялёная тэрыторыя для сумесных прагулак. Зрэшты, такі зручны і ўтульны ўвесь квартал. Вялікая будоўля тут пачалася ў 2018 - 4 дамы з 9 ужо выраслі.
Неабходнасць у сучасных дашкольных установах ёсць і ў іншых раёнах. У Кастрычніцкім, напрыклад, сёння ўпершыню гасцей сустрэлі яслі-сад № 578. Разлічаны на 230 месцаў. Для дзяцей басейн з падагрэвам, музычныя і спартыўныя залы, камп'ютарны клас. Яшчэ больш магчымасцей для развіцця маладога пакалення і ў Партызанскім раёне. Пасля рэканструкцыі там адкрыўся Цэнтр дадатковай адукацыі дзяцей і моладзі "Вікторыя".
Усяго ў цэнтры займаюцца больш за 3 тысячы дзяцей. Для іх працуюць каля 300 аб'яднанняў па інтарэсах. Зрэшты, усе ўмовы для творчасці і ўсебаковага развіцця ствараюць не толькі ў сталіцы. У Мінскай вобласці да адкрыцця рыхтуецца дзіцячы сад у Маладзечне. Прэм'ера ў панядзелак.
