У летніх лагерах Беларусі адкрылася першая змена

У летніх лагерах Беларусі адкрылася першая змена. Школьнікі розных узростаў ужо пазнаёміліся са сваімі новымі сябрамі, важатымі і распарадкам. Больш за 170 дзяцей прыняў лагер "Дружба" ў Дзяржынскім раёне. Да новага сезона тут закупілі веласіпеды, спартыўнае абсталяванне і інвентар, а таксама абнавілі гульнявыя пакоі.

Камфортны адпачынак дзяцей - на кантролі прадстаўнікоў прафсаюзаў

Камфортны адпачынак дзяцей - на асаблівым кантролі прадстаўнікоў прафсаюзаў і адміністрацый раёнаў. Спецыялісты дбайна правяраюць умовы пражывання школьнікаў, харчаванне і забаўную праграму. У Беларусі летам на аздараўленне дзяцей будуць прымаць больш за 5 500  лагераў. Усяго плануецца арганізаваць адпачынак больш чым для 340 тысяч навучэнцаў.