У Гродне першыя пацыенты, якія вылечыліся ад COVID-19, сталі донарамі плазмы

Маладыя людзі самі звярнуліся ў абласны цэнтр трансфузіялогіі  праз 15 дзён з моманту поўнага лабараторнага і клінічнага выздараўлення. Жыхары Гродна захварэлі на каранавірус за мяжой, а пасля вяртання ў Беларусь прайшлі поўны курс лячэння. Зараз яны гатовыя дапамагчы ўсім пацыентам, хто мае патрэбу ў пераліванні плазмы.

Каб матываваць гараджан, якія вылечыліся ад COVID-19 здаваць плазму, у Гродне стартавала акцыя "Дзякуй донарам". Добраахвотнікам уручаюць каштоўныя падарункі, садавіну і ласункі, неабходныя для аднаўлення арганізму пасля трансфузіі. А мясцовая служба таксі гатовая бясплатна дастаўляць такіх людзей на працэдуру і назад.