У Гродзенскім абласным кадэцкім вучылішчы папаўненне. Урачыстую прысягу прынялі 58 навабранцаў. Гэта юнакі і дзяўчаты з усяго рэгіёна. На ўрачыстай цырымоніі спецыялізаванай навучальнай установе быў уручаны і ўласны сцяг. Ён стане сімвалам кадэцкага братэрства і патрыятызму. У вучылішчы дзейнічаюць профільныя класы ў інтарэсах узброеных сіл, органаў пагранічнай службы, МУС і Міністэрства па надзвычайных сітуацыях.
Віктар Хрэнін, камандуючы войскамі заходняга аператыўнага камандавання Узброеных Сіл Беларусі: "У сценах Гродзенскага абласнога кадэцкага вучылішча навучаюцца 104 хлопцы і 30 дзяўчат. Тут яны атрымліваюць самую сучасную адукацыю, якая ў наступным будзе запатрабавана як для ўзброеных сіл, так і для іншых сілавых міністэрстваў і ведамстваў".
За час працы Гродзенскага кадэцкага вучылішча, а пачало функцыянаваць яно ў 2014 годзе, ужо адбылося пяць выпускаў. Кадэты, якія скончылі навучальную ўстанову з ацэнкай не ніжэй як 7, маюць права паступаць у ВНУ ваенных і сілавых ведамстваў без уступных выпрабаванняў.
