Закладзеная 36 гадоў таму плантацыя кедраў сёлета дасць першы ўраджай.
Віталь Краснабаеў - пра маючую адбыцца шышкаўборачную кампанію.
Ідэяй высадзіць кедры ў Беларусі Генадзь Асанаў загарэўся 36 гадоў таму. Выхадзец Сібіры быў упэўнены, што гэтыя непатрабавальныя дрэвы абавязкова прыжывуцца ў нашым клімаце. Па насенны матэрыял ездзіў да вядучых навукоўцаў. Сваю першую кедравую плантацыю заклаў у цешчы ў агародзе. Высадзіў больш чым паўтысячы дрэўцаў. Выпрабаванне кліматам і людской цікаўнасцю прайшлі 20 дрэў.
У гэтым бары - кедр алтайскі, сібірскі і нават карэйскі. Усе яны сваякі нашай хвоі. Калі не ведаць, што тут растуць незвычайныя для Беларусі дрэвы, то міма гэтай лесапасадкі можна прайсці, нават не спыніўшыся. І толькі прыгледзеўшыся, разумееш, што гэта не хвоя, а велічны кедр.
Дрэва можа пражыць больш чым 700 гадоў і адрозніваецца ад сваёй еўрапейскай сваячкі больш далікатным ствалом і прадаўгаватай ігліцай. Але галоўная каштоўнасць дрэва - кедравы арэх - сапраўдная скарбніца карысных рэчываў. Звычайна дрэва пачынае пладаносіць пасля 60 гадоў. На беларускай плантацыі першы ўраджай арэхаў збяруць ужо сёлета.
Іван Гарэлікаў, намеснік дырэктара Веткаўскага спецлясгаса: Мне здаецца, што дрэва аддзякавала свайму стваральніку. І прыклала ўсе сілы, каб парадаваць любога наведвальніка нашых лясоў сваімі пладамі як мага раней.
У натуральных умовах кедравы бор за год можа разрасціся на некалькі соцень метраў. Першую беларускую плантацыю кедра лесагаспадарка плануе ўзяць пад сваю апеку, каб даць магчымасць развівацца гэтаму ўнікальнаму гаю і, галоўнае, сабраць з яго не адзін ураджай.
