У Гомелі адкрыўся абноўлены 25-метровы басейн

У Гомелі пасля маштабнай рэканструкцыі  адкрыўся 25-метровы басейн. Спартыўны аб'ект - трэніровачная пляцоўка СДЮШАР № 7. Тут рыхтуюць спартсменаў па пяці  напрамках, у  тым ліку па плаванні. Узвялі басейн больш  чым 40  гадоў таму. Пасля абследавання будынка было прынята рашэнне аб яго закрыцці і рэканструкцыі. У 2019-м падрыхтавана праектна-каштарысная дакументацыя і выдзелены сродкі з абласнога бюджэту. Кошт работ - больш  за 1  мільён рублёў  на капітальны рамонт будынка з заменай пліт перакрыцця,  сістэм вентыляцыі  і пліткі ў чашы басейна. Зараз яго максімальная глыбіня - амаль 5 метраў. Ён разлічаны на шэсць дарожак.

Пасля рамонту новы аб'ект будзе даступны не толькі для прафесійных трэніровак, але і для наведвання жыхарамі горада. Басейн зможа прымаць да 500 чалавек за суткі.