А зараз у Гановер. Ад тэхналогій палітычных да інфармацыйных. У гэтым горадзе прайшла ІТ-выстава, якая фантастыку ператварае ў рэальнасць. Штучны інтэлект, кібаргі, беспілотныя апараты. Усё як у кіно, але паказваюць такую карціну раз за год і ўсяго тыдзень.
Удзел у сусветнай выставе прыняла і беларуская дэлегацыя. Цікава, што прадстаўнічы форум праходзіць у невялікім горадзе, які па колькасці не дасягае і мільёна. Больш падрабязна аб тэхналогіях, за якімі будучыня, даведаемся ў нашага калегі Дзмітрыя Цітова.
Гановер - горад-паўмільённік раз за год становіцца мегаполісам, не саромеючыся таго, што ў Ніжняй Саксоніі няма небаскробаў і метрапалітэна. Цікавасць да найбуйнейшай ІТ-выставы CeBIT не згасае з 1986 года. На першых палосах газет - загалоўкі з форуму. Hannoversche Allgemeine Zeitung піша аб лічбавай трансфармацыі і публікуе фота прэзідэнта Швейцарыі на адкрыцці. Менавіта Швейцарыя сёлета краіна-партнёр CeBIT, летась быў Кітай. Ім выдзяляюцца самыя вялікія плошчы - ад тысячы метраў квадратных. Такая шуміха і ажыятаж вакол форуму не перашкаджаюць немцам жыць сваім мерным жыццём. Магазіны тут зачыняюцца ў 20 гадзін па мясцовым часе. Самі жыхары называюць Гановер новым горадам. Збольшага гэта звязана з тым, што падчас вайны ён быў цалкам разбураны. Так што людзі сюды прыязджаюць пераважна для таго, каб схадзіць на CeBIT. Тут яшчэ праходзіць і найбуйнейшая ў свеце прамысловая выстава. Такі вось горад кірмашоў.
Гэта кірмаш, дзе праходзяць не сезонныя распродажы, а дэманструюцца трэнды сезона. Выстава CeBIT расшыфроўваецца як цэнтр офісных і інфармацыйных тэхналогій. ІТ-шоу, якое наведваюць і кіраўнікі дзяржаў, прычым іх можна сустрэць спантанна, напрыклад, на стэндзе краіны-партнёра мерапрыемства.
Ангела Меркель, канцлер Германіі: "Я вельмі рада вас усіх бачыць на стэндзе Швейцарыі. Тут прапанаваныя як прызнаныя распрацоўкі, так і якасна новыя рашэнні".
Тэхналогіі інтэрнэт-рэчаў, беспілотнікі, рашэнні для электроннага ўрада. Калі ў Барселоне такая выстава - паказ мод для гаджэтаманаў, то ў Гановеры сёлета адбылася лічбавая трансфармацыя. Тут навінкі, якія часам нельга памацаць, але якія павінны зрабіць свет больш зручным.
Дзмітрый Шадко, першы намеснік міністра сувязі і інфарматызацыі Беларусі: "З тых часоў, як CeBIT аддзяліўся ад прамысловай выставы ў 80-ых, тут камандуюць парадам вядучыя кампаніі ў мабільнай індустрыі".
Асаблівая ўвага - прамысловым робатам. Менавіта яны ў Кітаі павінны замяніць людзей на канвееры і грузчыкаў. З гуманоідамі можна было згуляць і ў "камень-нажніцы-папера".
Карпарацыі ў пагоне за хуткасцямі. "Тэсла" прэзентавала электрычны "седан". З новымі акумулятарамі мадэль зможа пераадолець да 320 кіламетраў без падзарадкі.
Беларуская дэлегацыя абмеркавала праекты ў электронным гандлі, гарманізацыю лічбавых рынкаў з Еўрапейскім камісарам па лічбавай эканоміцы Гюнтэрам Этынгерам. Многія стэнды з Ніжняй Саксоніі перавандруюць у Мінск і будуць паказаныя на выставе Тibo.
У 2015 годзе да Інтэрнэту былі падключаныя каля 20 мільярдаў устройстваў і машын. Паводле ацэнак, да 2030 года іх колькасць узрасце да паўтрыльёна. Напрыклад, кампанія ZTE бачыць будучыню ў электракарах, прадэманстравала бесправадную зарадку, а таксама розныя сістэмы для разумнага горада.
Фан Ху, старшы віцэ-прэзідэнт Zte Сorporatoin: "Наша карпарацыя вельмі зацікаўленая ў супрацоўніцтве з Беларуссю. Гэта і абмен вопытам у ІТ-сферы, стварэнне тэхналогій разумнага горада. Таксама супрацоўніцтва ў рамках электроннага ўрада".
Аддаленая медыцына, шлемы віртуальнай рэальнасці. На захадзе ўжо капіруюць наш дадатак "Маскарад". Толькі замест твараў на фота можна падстаўляць дыназаўраў. Нягледзячы на сцвярджэнне скептыкаў, што на CeBIT з кожным годам прыязджае ўсё менш людзей, немцы жывуць гэтым форумам, і асноўная колькасць турыстаў прыязджае ў Гановер, каб паглядзець менавіта на тэхналогіі. Агульная выставачная плошча складае больш як два мільёны квадратных метраў. Такога горада ў горадзе для прагулак павінна хапіць.
