Абласны ўзровень медыцыны ў раённых цэнтрах. У Добрушскай цэнтральнай бальніцы прайшла маштабная перазагрузка. Абнаўленне атрымала фізіятэрапеўтычнае аддзяленне. Раней яно займала ўсяго два кабінеты са старой тэхнікай. Сёння гэта асобнае крыло: амаль тры дзясяткі адзінак тэхнікі і больш за 10 відаў працэдур. Прымаюць пацыентаў з захворваннямі вянознай і лімфатычнай сістэмы. Магчымасці аддзялення зараз дазваляюць праводзіць і прафілактыку трамбозаў. Акрамя апарата кампрэсійнага лімфадрэнажу, прыборы дарсанвалізацыі, імпульснай індукцыйнай і нізкачастотнай магнітатэрапіі. Упершыню ў бальніцы з'явіліся і ўмовы для лячэбнай фізкультуры. За змену аддзяленне можа прымаць у сярэднім 150 чалавек.
У планах таксама - абнаўленне паліклінікі, замена ліфтаў і ўсталёўка пад'ёмнай платформы для інвалідаў-калясачнікаў.
