Сусветная спадчына Кiтая ў Барысаве. У галерэi цэнтральнай бібліятэкі горада на фотастэндах дэманструюцца славутасцi краіны. Прыродныя і культурныя аб'екты, старажытныя кітайскія гарады - усё можна ўбачыць дзякуючы фотаработам з iнфармацыяй на рускай і кітайскай мовах.
Адкрыць новыя цікавыя маршруты вырашыла і Наталля Бардзілоўская, якая адправілася на выставачны праект у Барысаў.
"Сусветная спадчына Кітая" - выставачны праект ад культурнага цэнтра КНР у Беларусі
Вялікая Кітайская сцяна, Тэракотавая армія Цінь Шыхуандзі, гара Тайшань, пагады і палацы, старажытныя гарады і арэалы пералётных птушак на ўзбярэжжы Жоўтага мора. Для тых, хто не бываў у Кітаі, 55 выдатных мясцін і помнікаў краіны, унесенных, між іншым, у спіс Сусветнай спадчыны ЮНЕСКА, - тут, у галерэі фотаздымкаў і ў анлайн-экскурсе, які для барысаўчан праводзіць кіраўнік кітайскага культурнага цэнтра ў Мінску Джан Хунвэй. Праект статычны і жывы адначасова. Ён - частка ініцыятывы "Прыгожы Кітай", якую прадстаўнікі краіны - нашага стратэгічнага партнёра праводзяць па ўсёй Беларусі.
Таццяна Кірылава, загадчыца аддзела Барысаўскай цэнтральнай раённай бібліятэкі імя І. Х. Каладзеева:
Вельмі цёплыя адносіны звязваюць Барысаўскі раён і КНР, розныя яе рэгіёны. Выстава расказвае не толькі пра культурны складальнік, тут вельмі шмат адведзена экалогіі, і гэта зараз выходзіць на першае месца і ў нашай краіне. Мы чыстая краіна, і гэта ўсе адзначаюць. У Кітаі ёсць свае экапраблемы, яны самі гэта ведаюць і імкнуцца выправіць іх. І таму такая вялікая колькасць ландшафтных зон дэманструецца на гэтай выставе. Мы бачым, што Кітай незвычайна прыгожы з экалагічнага пункта погляду. Прыязджае вялізная колькасць турыстаў, у тым ліку і з нашай краіны. Вучыць кітайскую мову жыхарам Барысава дапамагае літаратура, якая ў горад прыходзіць адразу з КНР. Дадатак да выставачнага праекта ад культурнага цэнтра Кітая - каштоўная пасылка. Некалькі боксаў з кнігамі па гісторыі, мастацтве, народнай творчасці, таксама навуковыя і адукацыйныя тамы. Яшчэ не ўсё паспелі распакаваць.
Наталля Алейнік, бібліятэкар залы літаратуры на замежных мовах Барысаўскай цэнтральнай раённай бібліятэкі імя І. Х. Каладзеева:
Кітайскі культурны цэнтр у Мінску перадаў нам зараз экспазіцыю аб турыстычных каштоўнасцях краіны, таксама падарыў бібліятэцы падборку літаратуры і фільмаў аб Кітаі. З Кітайскім культурным цэнтрам мы ўзаемадзейнічаем не так даўно, але спадзяёмся на далейшае супрацоўніцтва.У Барысаўскага рэгіёна ёсць кітайскі пабрацім - горад павета Ван-Куй, дамоўленасць з якім была падпісана ў лістападзе 2009 года. У рамках пагаднення адбываюцца кантакты ў розных сферах жыцця, у тым ліку ў культуры і асветніцтве, а таксама турызме. Атрымаць падрабязную інфармацыю пра далёкую ўсходнюю краіну і адказы на пытанні, што тычацца турыстычных маршрутаў і асаблівасцей паездак у Кітай, можна ў рамках Тыдня турызму і культуры Кітая, які пройдзе ў нашай краіне да канца чэрвеня.
