Ці атрымае Беларусь новыя гаджэты сёлета, пакуль невядома. Праз 10 дзён продажы пачнуцца ў суседняй Расіі - там ужо стаў вядомы і кошт новых iPhone - 32 і 37 тысяч расійскіх рублёў, таму ў найбліжэйшы час можна чакаць з'яўленне новых смартфонаў і ў Мінску. Зрэшты, рытэйлеры заяўляюць, што гаджэты бясплатна абслугоўвацца ў сэрвісных цэнтрах Беларусі не будуць да таго моманту, пакуль у краіне афіцыйна не стартуюць продажы.
На прэзентацыі кіраўнік карпарацыі Цім Кук распавёў, што iPhone 6, 6 Plus атрымаюць і спецыяльны дадатак, які зможа сачыць за здароўем чалавека. Ён будзе ўбудаваны ў новую аперацыйную сістэму, якую можна будзе запампаваць ужо ў гэтым месяцы.
