Урон больш за 3 мільёны рублёў, і гэта толькі ў Беларусі. Напярэдадні ў МУС распавялі аб затрыманні ўдзельнікаў маштабнай групоўкі міжнароднай скам-супольнасці.
Арганізатараў праваахоўнікі затрымалі яшчэ ў снежні, зараз міліцыянеры ідуць па слядах тых, хто знаходзіў ахвяры і выкрадаў грошы з банкаўскіх карт беларусаў і іншых рускамоўных карыстальнікаў у Еўропе і СНД. Частка з затрыманых - непаўналетнія, самаму малодшаму з якіх 13 гадоў.
Злачынствы здзяйсняліся з 2020 года, калі з-за пандэміі каранавіруса адбыўся ўсплёск анлайн-продажаў. Самі падазроныя выкарыстоўвалі розныя махінацыі. Ва ўсіх выпадках ахвяра павінна была ўвесці даныя банкаўскай карты, каб аплаціць тую або іншую паслугу. Пасля ўводу рэквізітаў аплата не адбывалася, а ашуканцы атрымлівалі доступ да банкаўскай карты. Многія віды махлярства былі разлічаныя на тое, што ахвяра ці наўрад пасля крадзяжу звернецца ў міліцыю. Некаторыя фігуранты ў інтэрнэце называліся прадаўцамі наркотыкаў, на сайце знаёмстваў прапаноўвалі купіць інтымныя фатаграфіі.
Узбуджана больш як паўтары тысячы крымінальных спраў. Расследаванне працягваецца.
