Парадку 5 тыс. ваеннаабавязаных у гэтыя дні ўдзельнічаюць у праверцы боегатоўнасці. Памочнік міністра абароны па ідэалагічнай рабоце ва Узброеных Сілах наведаў адно з падраздзяленняў. Леанід Касінскі ацаніў высокую матывацыю і цікавасць да збораў, якія праводзяцца, а таксама жаданне вучыцца і далей ваеннай справе.
Падчас праверак баявой гатоўнасці ваеннаабавязаныя, прызваныя з запасу на зборы, адточваюць майстэрства на палігоне. Пад кіраўніцтвам вопытных інструктараў, якія навучаліся ў Расіі, яны праходзяць курс заняткаў па адзіночнай падрыхтоўцы, спасцігаюць асновы тактычнай, інжынернай, агнявой, ваенна-медыцынскай падрыхтоўкі. У далейшым іх чакае зладжванне ў складзе аддзяленняў, узводаў і рот.
