Пра гэта сёння падчас візіту на прадпрыемства "Хутар-Агра" распавёў журналістам міністр унутраных спраў. Ігар Шуневіч адзначыў, што такія арганізацыі ствараюцца ў першую чаргу для таго, каб дапамагчы былым зняволеным і пацыентам ЛТП вярнуцца ў грамадства. Дэпартамент выканання пакаранняў узяў шэфства над гэтым сельгаспрадпрыемствам у жніўні мінулага года. Зараз тут працуе 30 чалавек са Светлагорскага лячэбна-працоўнага прафілакторыя. Але гэта толькі пачатак эксперымента. Плануецца, што ў будучыні на прадпрыемстве будуць працаваць і былыя зняволеныя з усіх папраўчых устаноў краіны.
Ігар Шуневіч, Міністр унутраных спраў Беларусі: "Гэты працэс абсалютна добраахвотны. Мы ў першую чаргу будзем працаўладкоўваць сюды тых, хто захоча працаваць, хто захоча сам выходзіць на гэтыя рэйкі нармальнага жыцця, рэсацыялізавацца. Але я думаю, што з часам, калі мы ўжо набудзем вопыт гэтай працы і такіх людзей будзе больш, будзем развівацца і думаць пра тое, як развіваць вытворчасць, як зрабіць яе рэнтабельнай, высокатэхналагічнай. Такі аспект як рэсацыялізацыя і працаўладкаванне - на першым месцы".
Сёння на "Хутар-Агра" патрэбныя каля 20 спецыялістаў - гэта трактарысты, вадзіцелі і механізатары, а таксама 40 рознарабочых. Як будуць укамплектоўваць вакантныя месцы былымі зняволенымі, якія хочуць пачаць жыццё з чыстага ліста, якія сацыяльныя даброты падрыхтавалі для перасяленцаў праваахоўнікі - падрабязнасці распавядзем ужо ў гэтую нядзелю ў "Галоўным эфіры".
