У Беларусі напярэдадні прафесійнага свята ўзнагародзілі работнікаў сферы ЖКГ. Штогод у нашай краіне праходзяць конкурсы прафмайстэрства. Упершыню прадстаўнікі камунальнай сферы змагаліся за званне лепшага настаўніка. Удзельнікаў ацэньвалі па прафесійных і асабістых якасцях. Улічвалі рабочы стаж, кваліфікацыю і колькасць замацаваных за вопытным супрацоўнікам маладых спецыялістаў. Пытанню падрыхтоўкі і забеспячэння кадраў у нашай краіне - асаблівая ўвага. Бо сёння галіна жыллёва-камунальнай гаспадаркі дынамічна развіваецца.
Для ўдзелу ў конкурсе паступіла больш за 50 заявак з усіх рэгіёнаў Беларусі. У наступным годзе ў нашай краіне выберуць лепшага маладога работніка сферы ЖКГ.
