У Беларусі плануюць увесці рэгістрацыйныя карты для перавозак пасажыраў, у тым ліку і аўтамабілямі таксі. Адпаведныя змяненні прадугледжаны праектам указа аб пытаннях аўтамабільных перавозак пасажыраў. Згодна з дакументам, дзейнасць без наяўнасці рэгістрацыйнай карты або карты допуску вадзіцеля з'яўляецца незаконнай і забараняецца. Рэалізаваць так званыя шэрыя схемы будзе немагчыма. У выпадку калі перавозчык не выконвае заканадаўства, да яго будуць прыменены абмежавальныя меры.
Мэта праекта - гарантаваць бяспечныя перавозкі пасажыраў, стварыць умовы для добрасумленнай канкурэнцыі і павысіць якасць паслуг.
