Беларуская мова - практычна з першых крокаў жыцця. У дзіцячым садку Гомеля № 160 паспяхова выхоўваюць дзяцей паводле ўнікальнай навучальнай праграмы, галоўны арыенцір якой - выкарыстанне роднай мовы. На беларускай дзеці маюць зносіны, развучваюць скорагаворкі, вершы і спяваюць старажытныя абрадавыя песні. А пляцоўкай для вывучэння мовы і народных традыцый стаў уласны этнаграфічны музей. Тут сабралі саматканыя ручнікі і іншыя старажытныя прадметы беларускага побыту. Падтрымку ў беларускамоўным навучанні аказвае ўніверсітэт імя Францыска Скарыны.
Новую праграму як эксперымент тут укаранілі аднымі з першых у Гомелі. Ноу-хау прыжылося. Вопыт зацікавіў іншых. У гэтым навучальным годзе такая ж група з'явілася яшчэ ў адным дзіцячым садку Гомеля. У планах - пашыраць вопыт па ўсёй вобласці.
