На Сусветнай алімпіядзе робатаў за званне лепшага тэхніка пазмагаюцца і 8 стартапаў з Беларусі. Узрост удзельнікаў - ад 9 да 19 гадоў. Больш падрабязна аб спаборніцтвах штучнага інтэлекту - Дзмітрый Цітоў.
Коста-Рыка ўваходзіць у дзясятку краін па колькасці стыхійных бедстваў. Пажары тут частая з'ява ў першую чаргу з-за вулканічнага попелу. Але доўга ім не пасыпалі галаву мясцовыя дзевяцігадовыя інжынеры. Іх дрон выяўляе ачагі ўзгарання і адразу ж адпраўляе дакладныя каардынаты пажарнай службе. Ідэя настолькі спадабалася дзяржорганам Коста-Рыкі, што стартап хутка можа перарасці ў маштабны праект.
Тут папросту могуць дапамагчы дапісаць камп'ютарную праграму для робата каманды з іншых краін, а пасля фіяска падбадзёраць і нават запросяць на майстар-класы ў свае школы. Першая алімпіяда ў Алега была па матэматыцы. У Коста-Рыцы ён сядзіць на двух крэслах - трэнера і бацькі. Прызнаецца, што сёння яго сын умее вырашаць прыклады больш складаныя. Робат гэтай каманды здольны самастойна прымаць рашэнне. У будучыні такія распрацоўкі могуць замяніць кур'ераў або цэлы лагістычны склад.
Адна з галоўных тэм на алімпіядзе робатаў - экалогія. Упэўніцца ў тым, што ўсё ў творчай катэгорыі зрабілі самі дзеці, можна падчас прэзентацый. Дарэчы, яны толькі на англійскай, а трэнерам і бацькам дазваляюць назіраць за спічам толькі з трыбуны.
Нашы каманды змагаюцца за званне лепшага робататэхніка свету чацвёрты год запар. Калі гайкі закручаныя і мазгі ўстаўленыя, тут таксама часам спадзяюцца на ўдачу. Прама, як гэтая каманда братоў Сэшан, якая ў свой час трапіла на Youtube са сваімі вынаходствамі і зараз катае сваіх робатаў па ўсім свеце ў статусе вядомых блогераў.
Фінал спаборніцтваў на алімпіядзе робатаў адбудзецца ўжо заўтра. Галоўны прыз для пераможцаў дагэтуль трымаюць у сакрэце.
