Ці ўдасца закрыць ўнутраныя патрэбы Беларусі ў насенным фондзе

Аграрыі занятыя на ўборцы янтарнага збожжа з беларускіх палёў. Адначасова рыхтуецца і насенне кукурузы для наступнай пасяўной. Дарэчы, гэтая задача таксама на кантролі беларускіх навукоўцаў, у тым ліку Мазырскай эксперыментальнай базы "Крынічная". Там займаюцца сартамі нямецкай, украінскай і беларускай селекцый. На дапамогу прыходзяць сучасныя тэхналогіі. Як праходзіць уборачная для навуковых спецыялістаў і ці ўдасца закрыць ўнутраныя патрэбы Беларусі ў насенным фондзе? Больш падрабязна ў сюжэце.

Янтарнае збожжа нарэшце гатова да ўборкі. Для Мазырскага раёна  кукуруза - асноўная культура - займае больш за палову ўсіх палеткаў.

Ураджайнасць  65 цэнтнераў з гектара. Кузавы напаўняюцца за лічаныя хвіліны. Адсюль прамы маршрут на кукурузакалібровачны  завод.

Зараз прыёмка катахоў ідзе ў рэжыме нон-стоп. Працэс кругласутачны. Ля канвеера 35 чалавек. З пачатку ўборачнай яны прынялі ўжо амаль 5 тысяч тон ураджаю. Дарэчы, у перспектыве ўсё гэта - насенны фонд для пасяўной 2021 года. Каб ён быў выдатным, тэхналагічныя працэсы на заводзе пастаянна шліфуюць. Адно з новаўвядзенняў - сістэма тэлеметрыі.

Іншымі словамі, цяпер працу газавых гарэлак і працэс сушкі кантралюе лічбавы інтэлект. Клімат-кантроль рэгулюецца адным клікам мышы. 

На кожным этапе ўраджай пад навуковым кантролем. У лабараторыях збожжа правяраюць на ўсходжасць і іншыя паказчыкі. На падмозе сучаснае абсталяванне. Тут працуюць з шасцю сартамі  беларускай, украінскай і нямецкай селекцыі.

На мазырскім заводзе апошнюю партыю кукурузы плануюць прыняць у сярэдзіне кастрычніка. Патрэбы краіны «Крынічная» закрые на 50 працэнтаў. Увогуле ў Беларусі толькі на сілас і зялёны корм ужо ўбрана чвэрць угоддзяў. Па тэмпах уборкі ў лідарах традыцыйна поўдзень краіны. Пры гэтым аграрыі адзначаюць: усталявалася умерана цёплае надвор'е, а гэта самая галоўная ўмова для хуткай і зладжанай уборачнай кампаніі.