У католікаў сёння Вербнае або Пальмавае ўваскрэсенне. Вернікі адзначаюць Уваход Гасподзень у Іерусалім. У касцёлах праходзяць урачыстыя набажэнствы, на якіх адзенні святароў чырвонага колеру - сімвал будучай пакутніцкай смерці Хрыста. Таксама ля ўваходаў у храмы і капліцы праходзіць абрад акраплення галінак вярбы святой вадой.
Заўтра ў католікаў пачынаецца перадвелікодны тыдзень, калі вернікі ўспамінаюць аб апошніх днях зямнога жыцця Хрыста. Ужо праз тыдзень у нядзелю, 1 красавіка, усе заходнія хрысціяне адзначаць Вялікдзень.
