21 лютага - другі дзень важнага для ўсёй краіны этапа электаральнай кампаніі. Па 24 лютага ўключна можна аддаць свой голас за кандыдата датэрмінова на выбарах дэпутатаў у Палату прадстаўнікоў і ў мясцовыя саветы.
Паводле даных ЦВК, яўка выбаршчыкаў у першы дзень датэрміновага галасавання склала практычна 6 працэнтаў. Лічбу перасягнулі адразу 4 вобласці і Мінск.
Каб хутка знайсці свой участак, на сайце Цэнтрвыбаркама запушчаны сэрвіс, а таксама размешчаныя адрасы і тэлефоны тэрытарыяльных, акруговых і ўчастковых выбарчых камісій. У сталіцы і ў рэгіёнах колькасць бюлетэняў розная, таму што абіраюцца дэпутаты ўсіх узроўняў. Нагадаем, асноўны дакумент пры галасаванні - пашпарт, пры гэтым можна выкарыстоўваць ID-карту, студэнцкі білет або вадзіцельскае пасведчанне. Акрамя таго, у беларусаў ёсць магчымасць прагаласаваць не па месцы рэгістрацыі, а па месцы фактычнага пражывання. Для гэтага да асноўнага дня галасавання трэба звярнуцца ў прыдатную ўчастковую камісію.
На ўчастках створаны камфортныя ўмовы і для маламабільных. Акрамя абсталяванага безбар'ернага асяроддзя людзям з дрэнным зрокам падаюцца лупы або павелічальнае шкло, трафарэты для самастойнага запаўнення бюлетэняў невідушчымі грамадзянамі. У цэлым па краіне арганізавана 5 тысяч 411 участкаў для галасавання.
