Чыстыя вуліцы, утульныя двары, паркі і скверы. І ўсё гэта вынік іх працы. Прафесійнае свята ў работнікаў бытавога абслугоўвання насельніцтва і ЖКГ. Віншаванне накіраваў Прэзідэнт.
"У гэты дзень мы ўшаноўваем людзей розных прафесій, якія штодзённай напружанай працай робяць наша жыццё больш камфортным, зручным і ўтульным, ствараючы настрой мільёнам беларусаў. Перакананы, эфектыўна вырашаючы найважнейшыя задачы, якія стаяць перад галіной, работнікі бытавога абслугоўвання насельніцтва і жыллёва-камунальнай гаспадаркі і надалей будуць уносіць важкі ўклад у развіццё Беларусі і дабрабыт нашага народа", - гаворыцца ў віншаванні.
Сучаснае жыццё цяжка ўявіць без якаснага сэрвісу. Таму галіна пастаянна развіваецца. Дзякуючы іх прафесіяналізму беларускія гарады чыстыя, прыгожыя і дагледжаныя. За мінулы год асноўныя задачы выкананыя.
У Год якасці стаўка на аператыўныя адказы па зваротах грамадзян. Штогод у службу 115 паступаюць больш за 4 мільёны з просьбамі аб дапамозе. Найбольш праблемныя - пытанні рамонту, эксплуатацыі і ўтрымання жылфонду.
