Увага ўсяго свету прыкавана да сітуацыі на Блізкім Усходзе. Згодна з паведамленнямі ЦАХАЛ, сірэны, што папярэджваюць аб магчымасці ракетных абстрэлаў, трэці раз за дзень прагучалі ў Ашкелоне.
Баявое крыло ХАМАС заявіла аб нанясенні ракетнага ўдару па горадзе Беэр-Шэва. За ноч 750 аб'ектаў ХАМАС у Газе былі абстраляны арміяй абароны Ізраіля. У Сетцы з'явіліся кадры, на якіх, паводле інфармацыі "Нью Араб", іарданскія службы бяспекі разганяюць слёзатачывым газам натоўп людзей, што накіроўваецца да мяжы з Ізраілем.
Паводле апошніх звестак, колькасць загінуўшых з абодвух бакоў перавысіла 2700. Трое выхадцаў з Беларусі загінулі ў Ізраілі пры трагічных акалічнасцях. Пра гэта паведамілі ў пасольстве нашай краіны. Яшчэ адзін беларус прапаў без вестак.
Дыппрадстаўніцтва працягвае актыўна працаваць па забеспячэнні інтарэсаў беларускіх грамадзян як на тэрыторыі Ізраіля, так і ў сектары Газа. За апошнія дні па тэлефоне экстраннай сувязі да нашых дыпламатаў звярнуліся больш за 500 чалавек.
