Урачысты выпуск навучэнцаў адбыўся ў спецыялізаваным ліцэі пры Універсітэце грамадзянскай абароны МНС Беларусі. Дыпломы атрымалі 44 ліцэісты. 2 з іх адзначаны дыпломамі з адзнакай. Выпускнікі станцавалі развітальны вальс і арганізавалі паказальныя выступленні. Генеральны сакратар Савета бяспекі і міністр МНС Беларусі павіншаваў ліцэістаў і ўручыў грашовыя сертыфікаты на ўмацаванне матэрыяльна-тэхнічнай базы ліцэя. Гэтая ўстанова для краіны мае стратэгічнае значэнне: за 17 гадоў выпусціла больш за паўтысячы чалавек, большасць з якіх зараз працуе ў сілавых структурах. Зараз у ліцэі 261 навучэнец. Апошнія гады пры наборы асаблівая ўвага сіротам і дзецям з малазабяспечаных і шматдзетных сем'яў.
Маладыя лейтэнанты па традыцыі развіталіся са сцягам навучальнай установы, апошні раз прайшлі маршам у агульным страі і пасля каманды "Вольна" падкінулі ў неба фуражкі.
