Больш за 58 тысяч беларускіх рублёў будзе накіравана са спецфонду Прэзідэнта на падтрымку таленавітай моладзі. Адпаведнае распараджэнне Кіраўнік дзяржавы падпісаў напярэдадні. Заахвочваннямі фонду адзначаны пераможцы міжнародных і рэспубліканскіх конкурсаў і фестываляў у галіне музычнага, харэаграфічнага, цыркавога, выяўленчага і іншых відаў мастацтваў. Падтрымку атрымае сотня адораных юнакоў і дзяўчат, а таксама 5 калектываў.
Хто яны - сучасныя беларускія геніі? Як дзяржава вядзе пошук і падтрымлівае маладых і перспектыўных? Якія бонусы дае званне лаўрэата спецфонду Прэзідэнта? Пра гэта і не толькі ў новай серыі праекта "На кантролі Прэзідэнта". "Падтрымка таленавітай і адоранай моладзі" ў гэтую суботу адразу пасля "Панарамы" на "Беларусь 1".
Тэме падтрымкі таленавітай моладзі прысвечана новая серыя праекта "На кантролі Прэзідэнта"
29 мая 2020