Больш за паўтара мільёна беларусаў сустрэлі cветлае свята Вялікадня. Найстаражытная і найважнейшая падзея ў хрысціянскай веры. Католікі адзначаюць сапраўдны цуд – Уваскрэсенне Ісуса Хрыста з мёртвых пасля збавення ад пакут за грахі людзей і вітаюць адно аднаго радасным "Хрыстос Уваскрос!". Сёння вернікі да 10 раніцы прыйшлі ў касцёлы, каб далучыцца да Святой Імшы пасля Велікоднай вігіліі. Святары нагадваюць вернікам аб цудах Хрыста і яго галоўных запаветах. Службы завяршаюцца зараз і ў трох касцёлах сталіцы.
У гэтыя хвіліны вернікі асвячаюць рытуальныя стравы, кулічы і афарбаваныя яйкі. Часцей сустракаюцца менавіта чырвоныя. Па традыцыі гэта сімвал жыцця насуперак смерці. Свята аб'яднае сёння кожную сям'ю вернікаў за адным сталом для духоўнай рэфлексіі.
Апошняе святочнае набажэнства пройдзе ў Архікафедральным касцёле Прасвятой Дзевы Марыі ў Мінску, служба пачнецца а 13-й гадзіне. Гэтая нядзеля - толькі пачатак велікоднага часу. Свята доўжыцца 50 наступных дзён, галоўны акцэнт якіх - на наступным тыдні. У літургіі ён пазначаецца як Актава Вялікадня.
