Суперхуткая зарадка для электрамабіляў. У Віцебску пачнуць выпускаць электразаправачныя станцыі

У Віцебску пачнуць выпускаць электразаправачныя станцыі магутнасцю 150 кілават-гадзін. Зараз праект у стадыі распрацоўкі. Ідзе працэс вырабу вопытнага ўзору, а ўжо восенню гэтага года на заводзе "Віцязь" пачнуцца прыёмачныя выпрабаванні. Новыя прылады будуць амаль у тры разы больш магутныя за тыя, якія зараз вырабляе прадпрыемства. Яны дазволяць цалкам зарадзіць электрамабіль з акумулятарам на 40 кілават за 10-15 хвілін.

Аляксандр Барысавіч, намеснік галоўнага інжынера, галоўны канструктар ААТ "Віцязь": "Распрацоўшчыкі электрамабіляў ідуць на павелічэнне магутнасці акумулятараў для ажыццяўлення большага прабегу. Адпаведна, зарадныя прылады павінны дазваляць таксама хутка здзяйсняць зарадку акумулятараў большай магутнасці".

Плануецца, што серыйная вытворчасць станцый магутнасцю 150 кілават-гадзіна пачнецца ўжо ў канцы гэтага года. Аб тым, як развіваецца зялёная эканоміка Беларусі, глядзіце ў сераду ў новай серыі праекта "На кантролі Прэзідэнта".