Стратэгія бяспекі дарожнага руху "Добрая дарога" будзе рэалізавана па ўсёй Беларусі. Першапачаткова аднайменная канцэпцыя дапамагла Мінску істотна знізіць колькасць ДТЗ. Адна з эфектыўных і канструктыўных мер - астраўкі бяспекі і завужэнне праезнай часткі без зніжэння прапускной здольнасці. Як шукаюць і знаходзяць праблемныя дарогі і вуліцы? І як у жаданні сэканоміць месца для паркоўкі адны вадзіцелі вымушаюць іншых таксама парушаць. Матэрыял Наталлі Тарасюк.
Паралельна, пад вуглом, а лепш, увогуле, перпендыкулярна. Прастору для паркоўкі ўздоўж сталічнай вуліцы Шугаева, згодна з фантазіяй, дае частка дарогі перад знакамі "Месца стаянкі" і "Спосаб пастаноўкі транспартнага сродка". Жадаючы нібыта сэканоміць месца, адныя вадзіцелі парушаюць правілы, чым вымушаюць другіх выязджаць на сустрэчную паласу.
Угледзеўшы нашу здымачную групу, некаторыя вадзіцелі зразумелі ў чым справа і пасля спроб усё ж такі пакінулі сваё аўто згодна ПДР. Між тым, амаль ніхто не заўважае, што побач - паркоўка ля рэстарана, дзе хапае свабодных месцаў.
Каб раставіць усе кропкі над "і", мінчане нават стварылі петыцыю ў Інтэрнэце. Віртуальны ліст з прапановамі і больш чым дзвюма сотнямі подпісаў даслалі ДАІ.
Акрамя гэтага, у кожным раёне сталіцы ўжо вызначаны 10 месцаў для стварэння астраўкоў бяспекі. Падобныя канструкцыі дазваляюць заспакоіць рух і амаль выключыць магчымасць ДТЗ.
Такія "канфліктныя" мясціны і спосабы вырашэння складанасцяў праезду па заказу ДАІ шукаюць спецыялісты навукова- даследчага цэнтра дарожнага руху. Яны вымяраюць ўмовы і хуткасць руху, агляду, ствараюць матрыцу пешаходнай карэспандэнцыі. Усё для бяспекі і скарачэння колькасці здарэнняў і загінуўшых у іх. У гэтым і ёсць сутнасць канцэпцыі "Добрая дарога", якая дзякуючы вынікам на мінскіх вуліцах пераўтвараецца ў стратэгію для усёй краіны.
Лепшы вопыт замежных краін, улік патрэбаў усіх удзельнікаў руху, навуковы і індывідуальны падыход да кожнай вуліцы і дарогі ўжо знайшлі ўвасабленне на плошчах Бангалор, Прывакзальнай, вуліцах Прытыцкага, Голубева. Наступны крок - інтэлектуальная сістэма руху на МКАД. Ёсць ініцыятыва выключыць транзіт па Нямізе і пакінуць тольки грамадскі транспарт і пешаходную зону.
Зараз намаганні спецыялістаў накіраваны на першае і другое транспартнае кальцо. Гэта і дэталёвая распрацоўка ўмоў для левага паварота, змена разметкі, усталяванне святлафораў, як, напрыклад, на праспекце Машэрава. А яшчэ - інтэлектуальных сродкаў, розных дэтэктараў для больш бяспечнага руху.
