Адпаведнае распараджэнне падпісаў Кіраўнік краіны Аляксандр Лукашэнка. У ліку стыпендыятаў - 12 дактароў і 55 кандыдатаў навук, 27 навукоўцаў без ступені. Гэта прадстаўнікі фізіка-матэматычных, тэхнічных, хімічных, біялагічных, медыцынскіх, а таксама аграрных, сацыяльных і гуманітарных навук. Іх дасягненні маюць навуковую і практычную значнасць для сацыяльна-эканамічнага развіцця Беларусі. А навізна даследаванняў пацверджана публікацыямі ў вядучых айчынных і замежных навуковых часопісах, па шматлікіх распрацоўках атрыманы патэнты на вынаходкі.
