Дадзены старт фінальным мерапрыемствам другога сезона конкурсу маладых журналістаў "Прэс-код". Удзел бяруць прадстаўнікі друкаваных і электронных СМІ з усёй краіны. У адрас аргкамітэта паступіла 341 заяўка. Для ацэнкі аўтарскіх прац кожны ўдзельнік прайшоў абарону свайго матэрыялу на рэгіянальным узроўні. А сёння журы разглядае матэрыялы ў заключным туры.
Відэаблогер Дзяніс Вакулік прыехаў з рознымі відэаролікамі на намінацыю "Лепшы відэаблог". Як ён прызнаецца, здымае ролікі на працягу 7 гадоў. Відэаблог - гэта ўсё яго жыццё.
Пасля перамогі на конкурсе летась Антон Савянок атрымаў вядомасць. "Мяне пачалі запрашаць на розныя ток-шоу і прамыя эфіры на радыё. У адзін з дзён прапанавалі працаўладкавацца", - расказаў ён.
Пераможцаў вызначаць у намінацыях "Лепшы відэасюжэт аб памятных месцах Беларусі", "Лепшы відэаблог", "Аператарская праца" і іншых. 14 імёнаў трыумфатараў назавуць у рамках Форуму маладых журналістаў у сярэдзіне снежня.
