Унутраныя войскі МУС служаць надзейным заслонам ад злачыннасці. Гэта сёння заявіў Дзяржсакратар Савета бяспекі Станіслаў Зась падчас урачыстага сходу, прысвечанага 100-годдзю ўнутраных войскаў МУС Беларусі. У тым, што ў нас у краіне прысутнічае мір і грамадская згода, немалая заслуга і прадстаўнікоў унутраных войскаў. На мерапрыемстве ў Палацы Рэспублікі прысутнічалі міністр унутраных спраў Ігар Шуневіч, міністр абароны Андрэй Раўкоў і, вядома, камандуючы ўнутранымі войскамі Юрый Караеў. Віншаванне з векавым юбілеем ад Кіраўніка дзяржавы зачытаў Дзяржсакратар Савета бяспекі краіны Станіслаў Зась.
Станіслаў Зась, Дзяржаўны сакратар Савета бяспекі Беларусі: "Сёння гэта зладжаны, высокамабільны ваенны арганізм, які вырашае ў мірны час унікальныя па сваёй спецыфіцы і складанасці службова-баявыя задачы. Асабовы склад надзейна стаіць на варце канстытуцыйнага ладу і ўносіць свой уклад у захаванне спакою ў Беларусі. У гэты ўрачысты і святочны дзень сардэчна жадаю ўсяму асабоваму складу ўнутраных войскаў, вашым родным і блізкім моцнага здароўя, шчасця, новых здзяйсненняў у высакароднай справе служэння Айчыне. Прэзідэнт Беларусі Аляксандр Лукашэнка".
Поўную версію ўрачыстага сходу і святочнага канцэрта можна ўбачыць гэтым вечарам. У 22:30 на "Беларусь 1" і "Беларусь 24".