Байцы спецыяльнага атрада "ЗУБР" выцягнулі з-пад абломкаў дома турэцкую дзяўчыну - першыя кадры выратавання беларускімі спецыялістамі паказалі ў эфіры тэлеканала "Беларусь 1". Аперацыя праходзіла напярэдадні ноччу. Пасля прыезду ў Кахраманмараш нашы байцы з пошукавым сабакам сумесна з турэцкім атрадам пачалі праводзіць аварыйна-выратавальныя работы. Непасрэдна на месцы працавала група Яўгена Высоцкага. У працэсе з дзяўчынай быў наладжаны кантакт, прыйшлося забяспечыць доступ да пацярпелай праз будаўнічыя канструкцыі. Прафесіяналізм беларускіх ратавальнікаў не падвёў.
Плануецца, што вечарам 9 лютага да спецатрада "ЗУБР" далучацца яшчэ 32 чалавекі, якія прыбудуць з Мінска. Працуюць ратавальнікі вахтавым метадам. На выезд адпраўляюцца па 15-20 чалавек. Гэта дае магчымасць разбіраць завалы кругласутачна.
