Дымавая заслона і праходжанне няпростай эстафеты на хуткасць. Ратавальнікі Мінска дэманструюць свае навыкі працы ў складаных экстранных сітуацыях падчас пажараў у гарадскіх шматпавярхоўках. Журы вызначыць лепшых з 28 каманд па выніках баявога разгортвання. У праграме акрамя набліжаных да рэальнасці выпрабаванняў - праверка на сілу і цягавітасць. Ілья Цвяткоў назіраў за вогненным марафонам.
Калі працаваць прыходзіцца літаральна навобмацак. Каля 150 лепшых ратавальнікаў з мінскіх падраздзяленняў МНС удзельнічаюць у няпростых спаборніцтвах - ва ўмовах нулявой бачнасці ў задымленых памяшканнях.
У праграме паласа перашкод з некалькіх этапаў, сярод якіх праца са спецінструментам у падвальным памяшканні - без асвятлення, выратаванне пацярпелага з умоўнага пажару і перадача яго медыкам.
Лепшых у індывідуальным і камандным заліку вызначыць журы па выніках усіх іспытаў. Паралельна с баявым разгортваннем інтэрактыўную эстафету ратавальнікі прапанавалі і школьнікам з суседніх школ. Іх пазнаёмілі з вогненным майстэрствам і далі карысныя парады па бяспецы.
