Сёння адбылося першае рабочае пасяджэнне групы, створанай па даручэнні Кіраўніка дзяржавы для вывучэння праблемных пытанняў будаўнічай галіны. Былі дэталёва абмеркаваныя негатыўныя аспекты, што ёсць на ўсіх стадыях будаўнічага працэсу, і выпрацаваны сумесны план работы.
Па выніках абмеркавання кіраўнік Адміністрацыі Прэзідэнта Беларусі Андрэй Кабякоў, прызначаны Аляксандрам Лукашэнкам старшынёй рабочай групы, правёў размеркаванне абавязкаў у адпаведнасці з прафесійнымі навыкамі. Мяркуецца, што рабочая група будзе збірацца як мінімум два разы на тыдзень. Наступнае пасяджэнне намечана на 20 чэрвеня. У цэнтры разгляду - работа службаў заказчыка, у тым ліку нізкая эфектыўнасць дзейнасці ўпраўленняў капітальнага будаўніцтва.
Нагадаем, як адзначалася 14 чэрвеня на нарадзе ў Кіраўніка дзяржавы, сфера дзейнасці ўпраўленняў капітальнага будаўніцтва на сёння з'яўляецца адной з найбольш праблемных. Размова ідзе наконт шэрагу пытанняў: ад прабелаў у дзеючай нарматыўнай прававой базе, непразрыстасці выдзялення фінансавых сродкаў, нізкай якасці будаўніцтва жылля да карупцыйных праяў.